1
1
9
Аймгийн Соёл, урлаг, аялал жуулчлал, залуучуудын газар, “Elite dance studio” бүжгийн студи, Монгол туургатан театрын мэргэжлийн бүжигчид, жүжигчид уран бүтээлчид болон сурагчид хамтран “ЦӨМӨӨХЭЙ” бүжгэн жүжгийг 12 дугаар сарын 25, 26-ны өдрүүдэд үзэгчдэд толилуулахаар бэлтгэл сургуулилтаа эхлүүлээд байна. “ЦӨМӨӨХЭЙ”- бүжгэн жүжгийг шинэ жилийн өмнө уламжлал болгон 3 дахь жилдээ зохион байгуулах гэж байна. Суут хөгжмийн зохиолч П. И Чайковскийн хөгжимд дэглэн тавьсан тус балетыг анх 1892 онд Оросын хатан хаан Мария Александровнагийн нэрэмжит театрт тоглогдсоноос хойш шинэ оны босгон дээр дэлхийн өнцөг булан бүрт хүүхэд багачууд, эцэг эхчүүдийн хамт хөгжим, балет, тайзны урлагийн гайхамшгийг мэдрэн нэгэн үдшийг хамтдаа өнгөрүүлэн мартагдашгүй дурсамжыг бүтээдэг билээ.Цөмөөхэй бүжгэн жүжиг нь цөмөөч ханхүүгийн тухай түүхийг өгүүлснээр үзэгч таныг ид шидийн мэт үлгэрийн орноор аялуулах болно. Самар цөмөгч модон цэргүүд Клара охиныг аврахын тулд Хулганы хаан ба түүний цэргүүдтэй хэрхэн тулалдан тэмцэлдэж байгаа, ялалтын дараа баярлан цэнгэж гялалзан бүжих цасан охид, Орос, Испани, Хятад, Араб үндэсний бүжгүүд гээд өөрийн үеийн хүүхэд багачууд хэрхэн сонирхолтойгоор цөмөөч хүү, Клара охины түүхийг тайзнаа амилуулахыг үзээрэй.
ХҮҮХЭД БАГАЧУУД ТА БҮХНИЙГ ХҮРЭЛЦЭН ИРЖ ҮЗЭХИЙГ УРЬЖ БАЙНА.
ТОГЛОЛТ: Монгол туургатан театр 2024.12.25 16:00 цагт
Монгол туургатан театр 2024.12.26 17:00 цагт
